ජාත්යන්තර ටෙස්ට් තරගයකදී නවසීලන්තය වෙනුවෙන් ද්විත්ව ශතකයක් සහ ශතකයක් රැස්කළ පළමු පිතිකරුවා බවට පත්වීමට නවසීලන්ත පිතිකරු ඩෙවෝන් කොන්වේ අද (21) සමත් වුණා.
ඒ බටහිර ඉන්දීය කොදෙව් කණ්ඩායමට එරෙහි තුන්වන ටෙස්ට් තරගයේදීයි.
තරගයේ පළමු ඉනිමේදී පන්දු 367 කට මුහුණ දෙමින් ඔහු ලකුණු 227 ක් රැස්කළා.
තරගයේ දෙවන ඉනිමේදී කොන්වේ පන්දු 139 කදී ලකුණු 100 ක් රැස්කිරීමට සමත් වුණා.
නවසීලන්ත පිතිකරුවෙකු මෙවැනි දක්ෂතාවක් දැක්වූයේ පළමු වතාවටයි.
