Impact Player නීතිය මෙවර LPL තරගාවලියේදී

මෙවර ලංකා ප්‍රිමියර් ලීග් (LPL) 2026 තරගාවලියේදී ‘ඉම්පැක්ට් ප්ලේයර්’ නීතිය ක්‍රියාත්මක කිරීමට තීරණය කර තිබේ.

මෙම නව නීතියට අනුව, කණ්ඩායමකට තම තරගයේ ඕනෑම අවස්ථාවකදී (පන්දු ඕවරයක් අවසානයේ, කඩුල්ලක් බිඳ වැටීමෙන් පසු හෝ ඉනිමක ආරම්භයේදී) ආරම්භක ක්‍රීඩකයන් 11 දෙනාගෙන් අයෙකු වෙනුවට ආදේශක ක්‍රීඩකයෙකු (Impact Player) පිටියට කැඳවීමේ අවස්ථාව හිමිවේ.

මෙමඟින් කණ්ඩායම්වලට පවතින තරග තත්ත්වයට අනුව පිතිකරණය හෝ පන්දු යැවීම ශක්තිමත් කර ගැනීමට වැඩි ඉඩකඩක් ලැබෙනු ඇත.

පසුගිය වසර කිහිපයේදී ලොව පුරා ජනප්‍රිය වූ මෙම ක්‍රමවේදය මෙවර LPL තරගාවලිය වඩාත් උද්වේගකර සහ තරගකාරී එකක් බවට පත් කරනු ඇති බවට අපේක්ෂා කෙරේ.