ඉන්දියාව සමග ගාල්ලේ පැවැත්වෙන පළමු ටෙස්ට් තරගයේ සිව්වැනි දිනයේදී ශ්රී ලංකා ආරම්භක පිතිකරු ලහිරු උදාරගේ දැවී යාම සම්බන්ධයෙන් ඇති වූ මතභේදාත්මක තීරණය මේ වන විටත් ක්රිකට් රසිකයන් අතර දැඩි කතාබහකට ලක්ව තිබෙනවා.
Dhruv Jurel විසින් රැකගත් උඩපන්දුව සම්බන්ධයෙන් සැකයක් මතුවුණේ පන්දුව ඔහුගේ අත් අතරට පැමිණීමෙන් පසුව බිම ස්පර්ශ වූ බවක් දර්ශනවලින් පෙනී යාමත් සමඟයි.
කෙසේ වෙතත්, තෙවන විනිසුරු දර්ශන කිහිපයක් පරීක්ෂා කිරීමෙන් අනතුරුව එය නිවැරදිව රැකගත් උඩපන්දුවක් ලෙස තීරණය කළ අතර, ලහිරු උදාර ලකුණු 16කට දැවී ගියා.
මෙම තීරණය සම්බන්ධයෙන් විවිධ මත පළවෙමින් තිබියදී, ශ්රී ලංකා පන්දු යැවීමේ පුහුණුකරු රයන් වැන් නීකර්ක් ද මේ පිළිබඳව සිය අදහස් පළ කර තිබෙනවා.
ඔහු පවසන්නේ මෙවැනි අවස්ථාවක විනිසුරු තීරණය පිළිගෙන ඒ පිළිබඳව වැඩි අවධානයක් යොමු නොකර තරගය ඉදිරියට ගෙන යාම වැදගත් බවයි.
“ඔබ ඉන්දීය කණ්ඩායමේ නම් ඔහු උඩපන්දුව රැකගත් බවට තීරණය වීම ඔබට අවශ්ය වේවි. ශ්රී ලංකාවේ නම් ඔබට එහි ප්රතිවිරුද්ධ තීරණය අවශ්ය වේවි. නමුත් මෙය ටෙස්ට් ක්රිකට්. විනිසුරු තීරණ පිළිගෙන ඉදිරියට යා යුතුයි.”
මේ අතර, ලහිරු උදාර දැවී යාමෙන් පසුව ශ්රී ලංකාවට තවත් කඩුලු කිහිපයක් ඉක්මනින් අහිමි වීමත් සමඟ දැවැන්ත පීඩනයක් එල්ල වුණා.
කෙසේ වෙතත්, තරගය තවමත් සම්පූර්ණයෙන් අවසන් වී නැහැ. ශ්රී ලංකාවට ලකුණු 372ක ඉලක්කයක් හඹා යාමට සිදුව ඇති අතර, අවසන් දිනයේදී තරගයේ තීරණය කුමක් වේවිද යන්න පිළිබඳව සියලු දෙනාගේ අවධානය යොමුව තිබෙනවා.
