CricketLK.com

ශ්‍රී ලංකා කාන්තා කණ්ඩායමට එරෙහි දෙවන T20I තරගයෙන් කඩුලු 07 ක පහසු ජයක් වාර්තා කිරීමට ඉන්දීය කාන්තා කණ්ඩායම අද (23) සමත් වුණා.

විසාකාපට්නම් හීදී පැවති තරගයේ කාසියේ වාසිය ජයග්‍රහණය කළ ඉන්දීය කාන්තා කණ්ඩායම පළමුවෙන් පන්දු රැකීමට තීරණය කළා.

ඒ අවසරයෙන් පිටියට පිවිසි ශ්‍රී ලංකා කාන්තා කණ්ඩායමට නියමිත පන්දුවාර 20 අවසානයේදී කඩුලු 08 ක් දැවී රැස්කරගත හැකිවූයේ ලකුණු 128 ක් පමණයි.

ලකුණු 129 ක ජයග්‍රාහී ඉලක්කයක් හඹාගිය ඉන්දීය කාන්තා කණ්ඩායම පන්දුවාර 11.5 ක් තුළ කඩුලු 03 ක් පමණක් දැවී එම ඉලක්කය පසුකර ගියා.

ඒ අනුව, දෙරට අතර පැවැත්වෙන විස්සයි විස්ස තරගාවලියේ තරග 2 – 0 ක් ලෙස පෙරමුණ ගැනීමට සමත් වූයේ ඉන්දීය කාන්තා කණ්ඩායමයි.