6 වැනි වරටත් පැවැත්වෙන ලංකා ප්රිමියර් ලීග් 2026 තරගාවලිය ලබන ජූලි මස 17 වැනිදා සිට අගෝස්තු මස 8 වැනිදා දක්වා පැවැත්වීමට නියමිතව තිබෙනවා.
ලංකා ප්රිමියර් ලීග් ක්රිකට් තරගාවලියේ 6 වැනි අදියරේ ක්රීඩක කෙටුම්පත් කිරීම සඳහා දෙස් විදෙස් ක්රීඩකයන් 421 දෙනෙකු ඇතුළත් කර තිබෙනවා.
ඊට දේශීය ක්රීඩකයින් 179ක් සහ විදේශීය ක්රීඩකයින් 242ක් දෙනෙකු ඇතුළත් බවයි ශ්රී ලංකා ක්රිකට් ආයතනය නිවේදනය කළේ.
ක්රීඩක කෙටුම්පත් කිරීම ජූනි 1 වැනිදා ප.ව. 1.30ට කොළඹදී සිදුකිරීමට නියමිතව තිබෙනවා.
මෙම අවස්ථාවට ක්රීඩා හා යොවුන් කටයුතු අමාත්ය සුනිල් කුමාර ගමගේ, ක්රිකට් පරිවර්තන කමිටුවේ සාමාජිකයින්, ශ්රී ලංකා ක්රිකට් ආයතනයේ නිලධාරීන් මෙන්ම සියලුම කණ්ඩායම් හිමිකරුවන් හා කණ්ඩායම් කලමනාකාරීත්වයන් සහභාගී වීමට නියමිත බවයි ශ්රී ලංකා ක්රිකට් ආයතනය නිවේදනය කළේ.
