ශ්‍රී ලංකා ක්‍රිකට් පරිපාලනය සහ පාලන ව්‍යුහය පුළුල් ලෙස ප්‍රතිසංස්කරණය කිරීම සඳහා සකස් කළ නව ශ්‍රී ලංකා ක්‍රිකට් පනත් කෙටුම්පත අද (ඔක්තෝබර් 6) පාර්ලිමේන්තුවට ඉදිරිපත් කිරීමට නියමිතය.
පාර්ලිමේන්තුවේ න්‍යාය පත්‍රයට අනුව, පනත් කෙටුම්පත තරුණ කටයුතු සහ ක්‍රීඩා අමාත්‍යවරයා විසින් ඉදිරිපත් කිරීමට නියමිත අතර, පාර්ලිමේන්තු රැස්වීම පෙරවරු 9.30ට ආරම්භ වීමට නියමිතය.
නව පනත් කෙටුම්පත මගින් ශ්‍රී ලංකා ක්‍රිකට් ආයතනය නව නීතිමය රාමුවක් යටතට ගෙන ඒමට යෝජනා කර තිබේ. ඒ යටතේ මෙරට ක්‍රිකට් ක්‍රීඩාවේ පාලනය, නියාමනය, ප්‍රවර්ධනය , සංවර්ධනය සහ පරිපාලනය සම්බන්ධ කරුණු ආවරණය කිරීමට නියමිතය.
යහපාලනය, ක්‍රිකට් ක්‍රීඩාවේ අඛණ්ඩතාව, විනිවිදභාවය, වගවීම සහ සියලු දෙනාට සමාන අවස්ථා ලබාදීම මෙන්ම ක්‍රිකට් ක්ෂේත්‍රයට සම්බන්ධ පුද්ගලයන්ගේ සුබසාධනය ආරක්ෂා කිරීමද පනත් කෙටුම්පතේ ප්‍රධාන අරමුණු අතර වේ.
යෝජිත නව පාලන ව්‍යුහය යටතේ ස්වාධීන අධ්‍යක්ෂවරුන් ඇතුළත් කිරීමටද යෝජනා කර තිබේ. එමෙන්ම District Cricket Associations මගින් ශ්‍රී ලංකා ක්‍රිකට් ආයතනයේ තීරණ ගැනීමේ ක්‍රියාවලියට සෘජුව සහභාගී වීම වෙනුවට Provincial Cricket Associations හරහා කටයුතු කිරීමටද යෝජනා කර ඇත.
අධ්‍යක්ෂවරුන් සඳහා සුදුසුකම් සහ නුසුදුසුකම් පිළිබඳ නිර්ණායක මෙන්ම දූෂණය, ඔට්ටු තැබීම, තරග පාවාදීම සහ තහනම් උත්තේජක සම්බන්ධ කර ුණු පිළිබඳ ප්‍රතිපාදනද නව පනත් කෙටුම්පතට ඇතුළත් කර තිබේ.
ශ්‍රී ලංකා ක්‍රිකට් ප්‍රතිව්‍යුහගත කිරීම සඳහා නීති සකස් කිරීමට කැබිනට් මණ්ඩලය මීට පෙර අනුමැතිය ලබාදී තිබූ අතර, නීතිපතිවරයාගේ අනුමැතිය ලැබීමෙන් පසුව පනත් කෙට ුම්පත ගැසට් කිරීමට සහ පාර්ලිමේන්තුවට ඉදිරිපත් කිරීමටද කැබිනට් අනුමැතිය හිමිවිය.
අද පාර්ලිමේන්තුවට ඉදිරිපත් කිරීම පනත් කෙටුම්පතේ පළමු කියවීම වන අතර, එය පාර්ලිමේන්තු නීති සම්පාදන ක්‍රියාවලියේ ආරම්භක අදියර වේ.
නව පනත් කෙටුම්පත හරහා ශ්‍රී ලංකා ක්‍රිකට් පරිපාලනයේ සිදුවීමට නියමිත වෙනස්කම් පිළිබඳව ක්‍රිකට් ක්ෂේත්‍රයේ සහ ක්‍රීඩා ලෝලීන් අතර මේ වනවිටත් අවධානය ය ොමුව තිබේ.
