යොවුන් ලෝක කුසලාන එක්දින ක්රිකට් තරගාවලියේ බලාපොරොත්තු අත්හැරීමට ශ්රී ලංකා කණ්ඩායමට සිදුවිය.
ඒ, සුපිරි හය දෙනාගේ වටයේ අයර්ලන්තය සමඟ පැවැති තරගය ලකුණු 191කින් ඇෆ්ගනිස්ථානය ජයගැනීමත් සමඟයි.
තරගයේ ප්රථමයෙන් පන්දුවට පහර දුන් ඇෆ්ගනිස්ථාන කණ්ඩායම නියමිත පන්දුවාර 50 තුළ කඩුලු 07ක් දැවී රැස්කරගත් ලකුණු සංඛ්යාව 315කි.
ජයග්රහණය සඳහා ලකුණු 316ක ඉලක්කයක් හඹා ගිය අයර්ලන්ත කණ්ඩායමට පන්දුවාර 40.4ක් තුළ සියලු දෙනා දැවී ලබාගැනීමට හැකි වූයේ ලකුණු 124ක් පමණය.
ඒ අනුව මෙම තරගය ගැනීමත් සමඟ ඇෆ්ගනිස්ථාන කණ්ඩායම Group 01හි ප්රසාද ලකුණු සටහනේ දෙවන ස්ථානය දක්වා ඉහළට පැමිණ ඇත්තේ, ප්රසාද ලකුණු 06ක් සමඟින්ය.
එහි ප්රථම ස්ථානයේ පසුවන ඔස්ට්රේලියානු කණ්ඩායම ප්රසාද ලකුණු 08ක් ලබාගෙන ඇති අතර ශ්රී ලංකාව ප්රසාද ලකුණු 06ක් ලබාගෙන එහි දෙවන ස්ථානයේ පසුවෙයි.
කෙසේ වෙතත් ලකුණු ලබාගැනීමේ දළ වේගය මත ඇෆ්ගනිස්ථානය ප්රසාද ලකුණු සටහනේ දෙවන ස්ථානය දක්වා පැමිණ තිබේ.
ප්රසාද ලකුණු සටහනේ පෙරමුණේ පසුවන කණ්ඩායම් දෙක පමණක් අවසන් පූර්ව වටය සඳහා සුදුසුකම් ලබාගනු ඇත.
