අද (16) ආරම්භ වූ 2026 ඉන්දීය ප්රිමියර් ලීග් ක්රිකට් තරගාවලියට අදාළ ක්රීඩක වෙන්දේසියේදී ශ්රී ලංකා සුපිරි වේගපන්දු යවන ක්රීඩක මතීෂ පතිරණ ඉන්දීය රුපියල් කෝටි 18කට මුදලකට අලෙවි විය.
ශ්රී ලංකා ක්රීඩකයෙකු IPL ක්රීඩක වෙන්දේසියකදී අලෙවි වූ ඉහළම වටිනාකම මෙයයි.
මතීෂ පතිරණව මිලදී ගනු ලැබුවේ කොල්කටා නයිට් රයිඩර්ස් කණ්ඩායම විසින්ය.
මතීෂ පතිරණ හිමුවූ මුදල ශ්රී ලංකා මුදලින් රුපියල් කෝටි 61.20කි.
2026 ඉන්දීය ප්රිමියර් ලීග් ක්රීඩක වෙන්දේසිය අබුඩාබි හිදී මේ වනවිට පැවැත්වෙයි.
අද (16) ආරම්භ වූ 2026 ඉන්දීය ප්රිමියර් ලීග් ක්රිකට් තරගාවලියට අදාළ ක්රීඩක වෙන්දේසියේදී ඔස්ට්රේලියානු ක්රීඩක කැමරන් ග්රීන් කොල්කටා නයිට් රයිඩර්ස් විසින් වාර්තාගත ඉන්දීය රුපියල් කෝටි 25.2කට මුදලකට අලෙවි විය.
මෙය අයි.පී.එල්. ඉතිහාසයේ විදෙස් ක්රීඩකයෙකු අලෙවි වූ ඉහළම මිල ලෙස වාර්තා අතරට එක්විය.
මීට පෙර ඉහළම මිලකට අලෙවි වූ විදෙස් ක්රීඩකයා මිචෙල් ස්ටාක් වන අතර, ඔහු 2024 අදියරට අදාළ වෙන්දේසියේදී ඉන්දීය රුපියල් කෝටි 24.75කට අලෙවි විය.
මේ අතර ශ්රී ලංකා ක්රීඩක වනිඳු හසරංග ලක්නව් සුපර් ජයන්ට්ස් කණ්ඩායම විසින් ඉන්දීය රුපියල් කෝටි 2 කට මිලදී ගන්නා ලදී.
ක්රීඩක පැතුම් නිස්සංක ඉන්දීය රුපියල් කෝටි 4 කට දිල්ලි කැපිටල්ස් විසින් මිලදී ගන්නා ලදී.
වෙන්දේසිය සඳහා ක්රීඩකයින් 359 දෙනෙකු ඇතුළත් වන අතර ඉන් ක්රීඩකයින් 246 දෙනෙකු ඉන්දීය ක්රීඩකයින් වේ.
එමෙන්ම විදෙස් ක්රීඩකයින් 113 දෙනෙකු ක්රීඩක වෙන්දේසිය සඳහා එක් කිරීමට නියමිතව ඇති බව සඳහන් වේ.
2026 අයි.පී.එල් ක්රීඩක වෙන්දේසිය සඳහා ශ්රී ලංකික ක්රීඩකයින් 12 දෙනෙකු ද එක්කර තිබේ.