ශ්රී ලංකා, පාකිස්තාන, සිම්බාබ්වේ තුන්කොන් 20යි 20 ක්රිකට් තරගාවලියේ ශ්රී ලංකා කණ්ඩායම සහභාගී වන පළමු තරගය අද (20) රාවල්පින්ඩ් හී දී පැවැත් වේ.
සිම්බාබ්වේ කණ්ඩායම සමග පැවැත්වෙන එම තරගය මෙරට වේලාවෙන් පස්වරු 06.30ට ආරම්භ වීමට නියමිතය.
මෙම තරගාවලියේ දී දසුන් ශානක විසින් ශ්රී ලංකා කණ්ඩායම මෙහෙයවන අතර අබාධයකට ලක්වු වනිඳු හසරංග මෙන්ම දුෂ්මන්ත චමීර ද අද තරගයට ක්රීඩාකරන බව වාර්තා වේ.
මේ අතර පාකිස්තානයේ පැවැත්වෙන තරගයට එක්ව සිටින ශ්රී ලංකා කණ්ඩායම දිරිමත් කිරීමේ අරමුණින් ක්රීඩා නියෝජ්ය අමාත්ය සුගත් තිලකරත්න මහතා ඊයේ (19) පාකිස්තානය බලා පිටත්ව ගියේය.