ගෞතම් ගාම්භීර්ගේ පුහුණුකරු ධුරය අනතුරේ ?

දකුණු අප්‍රිකාවට එරෙහිව ටෙස්ට් තරගාවලියක් 2-0 ක් ලෙස පරාජය වීමට ආසන්නව සිටින ඉන්දීය කණ්ඩායමේ ප්‍රධාන පුහුණුකරු ගෞතම් ගම්භීර්ගේ අනාගතය අනතුරේ ඇති බවට ඉන්දීය මාධ්‍ය අනාවැකි පළකරනවා.

ආකෘති තුන සඳහාම කණ්ඩායම පුහුණු කරන ගම්භීර් යටතේ කණ්ඩායම කෙතරම් දුර්වල වී ඇත්දැයි ඉන්දීය ක්‍රිකට් පාලක මණ්ඩලය විසින් සලකා බලමින් සිටින බවයි පැවසෙන්නේ.

ගම්භීර් නෙරපා හරින බවට BCCI වෙතින් මෙතෙක් නිල ප්‍රකාශයක් හෝ ඇගවීමක් නොමැති වුවද, ටෙස්ට් ප්‍රධාන පුහුණුකරු ලෙස ඔහුගේ තනතුරට ඇති පීඩනය ප්‍රතික්ෂේප කළ නොහැකි ලෙස ඉහළ මට්ටමක පවතින අතර ක්‍රීඩාවේ රසිකයන් සහ ප්‍රවීණයන් අතර දැඩි කතාබහට ලක්වන කරුණක් බවට පත්ව අවසන්.

ගම්භීර් යටතේ, ඉන්දීය ටෙස්ට් ක්‍රිකට් ක්‍රීඩාව පෙර නොවූ විරූ ලෙස බිඳ වැටී තිබේ.

නවසීලන්තයට එරෙහි තරගාවලිය මෙන්ම මේ දිනවල පැවැත්වෙන දකුණු අප්‍රිකාවට එරෙහි තරගාවලි පරාජය අභියස ඉන්දියාව ඔවුන්ගේ අවසන් ටෙස්ට් තරග හයෙන් හතරක්ම පරාජයට පත්ව ඇත.

ඉන්දියාව අවසන් වරට දකුණු අප්‍රිකාවට එරෙහිව ටෙස්ට් තරගාවලියක් පරාජය වූයේ 2000 වසරේදීය.

ගුවහාටි තරගාවලිය ජය පරාජයෙන් තොරව අවසන් වුවහොත් හෝ පරාජය වුවහොත් වසර 25කට පසු දකුණු අප්‍රිකා කණ්ඩායමට එරෙහිව ඉන්දීය කණ්ඩායම තම රටේ දී ලැබූ පළමු තරගමාලා පරාජය බවට පත්වනු ඇති.

ඉන්දියාවේ පිතිකරණ අනුපිළිවෙල වෙනස් කිරීමට ප්‍රධාන පුහුණුකරු ගත් තීරණයට ද බොහෝ විවේචන එල්ල වී තිබේ.

පළමු ටෙස්ට් තරගයේ අංක 3 ස්ථානයේ ක්‍රීඩා කළ වොෂින්ටන් සුන්දර්, දෙවන තරගයේ අංක 8 ස්ථානයේ පන්දුවට පහර දීමට පැමිණියේය.

ඔ20 ක්‍රිකට් ක්‍රීඩාවේ එවැනි වෙනස්කම් බොහෝ විට දක්නට ලැබුණද, බොහෝ විශේෂඥයින් පෙන්වා දෙන්නේ ටෙස්ට් තරග සඳහා වඩාත් සංවිධානාත්මක ප්‍රවේශයක් අවශ්‍ය බවයි.

එය ගම්භීර් තවමත් පෙන්වා නොමැති බවද විශේෂත්වයක්.